香港糖尿病資訊
以前我仍在內科受訓時覺得糖尿科(Diabetology) 係內分泌科 (Endocrinology)之中較「悶」的一個分科。因為以往糖尿治療方案總是千篇一律，沒有全面顧及每個糖尿病病人的身體特性。好彩近呢幾年有唔同種類嘅糖尿藥推出市面，每隻藥均有其獨當一面的地方，可以照顧到某種類型的病人的身體所需。就好似著衫咁，以前返工只可著同一套制服，依家返工可以成間時裝舖的衫任你選，任你配搭，總有一set啱你個個性style。 以下信報提到的SGLT2抑制劑剛在2015年推出香港，之後有時間我會再詳談每一隻糖尿藥（其實我講了呢句超過10次）。最近我工作較忙，少了時間出文，希望大家可隨時在下面留言發問，俾D動力我繼續寫文。你們的問題，我一定會盡量為你地一一解答。 (刊於信報2016年4月29日, C2頁健康生活)
每次覆診糖尿病之前，你個醫生一定會叫你抽一啲血去驗。相信好多人會有疑問：其實點解要抽血呢？明明屋企都有篤手指，點解醫生仲叫我抽血？呢個醫生有冇呃我錢架，次次都驗咁多嘢？嗱，今次我會同大家探討下其實大家到底係抽乜嘢血同埋其原因。
好多謝主辦單位邀請我講了”糖尿病治療新知與體重管理“的健康講座，好開心見到咁多關心自己健康的朋友，希望當日的內容可以幫到各位更加了解糖尿病。果次的講座內容我在這裡的文章都有講過（如： <糖尿病之分類 － 一型糖尿病二型糖尿病點樣分？>, <什麼是糖尿病？>, <糖尿病病徵 － 點解驗身咁緊要>, <糖尿病高危一族（1）－不可改變之命運>），我仲有睇到一啲糖尿病的新藥物（2015年才推出香港市面）Sodium Glucose CoTransporter 2 inhibitors SGLT2抑制劑，同埋關於篤手指測試血糖的冷知識。我會繼續慢慢寫文，我一定會講關於最新嘅糖尿資訊，同大家分享。 (刊於AM730 – 2016年05月17日) (連結) 由長者安居協會、香港醫護聯盟主辦及強生(香港)有限公司全力支持，在四月二十六日晚舉辦的糖尿病治療新知與體重管理健康講座，邀得香港內分泌及糖尿科專科醫生丁昭慧醫生及註冊營養師李鎧而小姐講解糖尿病治療新知。 香港每十人便有一人罹患糖尿病，丁昭慧醫生表示香港大部份糖尿病患者屬二型糖尿病，糖尿病源於身體分泌胰島素不足或體內對胰島素產生抗拒，使血糖過高，血糖經尿液排出，造成「糖尿」現象。
丁醫生，我都成80歲人，每次見你前都要我抽血，咁抽法阿婆會貧血會頭暈的，成個人虛曬啦！ 「抽血太多會貧血」喺正常的情況下係唔成立的。我當你2個月睇一次醫生跟進你的糖尿，通常醫生會叫你驗空腹血糖、糖化血色素、肝腎功能同血脂（即好壞膽固醇、總膽固醇同三酸甘油脂），而呢幾樣野只需要抽好少的血。唔信？我們一齊做下實驗睇下！
秋葵、苦瓜治療糖尿病呢個留傳民間的「傳說」相信你之前一定略有所聞。你知我係糖尿科的西醫，一定估我會好反對你地試秋葵、苦瓜呢D食療，話呢D野唔科學，又會引起一場矛盾大對決（西醫 vs 自然療法。） 究竟最強的矛贏？還是最強的盾厲害？我地不防一齊用科學同感性的角度探討一下呢個問題⋯⋯