(刊於2016年7月13日星島日報杏田園) 談到「起跑線」一字，很多人會聯想到孩子的學業，但大家知不知道你的身體狀況也有「起跑線」這個概念？
糖尿病前期徵兆
糖尿病前期徵兆係乜？如果你有睇我《糖尿病病徵》一文，你都知糖尿病大部分係冇徵兆的，所以糖尿前期更加唔會有任何病徵的！要知自己有冇糖尿病前期，唯有靠驗血測試：即空腹血糖，或飲糖水測試，又或者糖化血紅素HbA1c。
糖尿病前期至糖尿病：進化過程
糖尿前期（或糖尿病前期）代表你已進入了糖尿病的高危一群，因為你身體已對胰島素有一定程度的抗阻，而胰臟功能已經開始減退。今次我們會探討下糖尿病前期至糖尿病是怎樣練成的！
血糖踩界－糖尿前期血糖數值
糖尿前期係指血糖高過正常，但係又未高到糖尿的一個灰色地帶，我哋又可稱之為「血糖踩界」。呢個灰色地帶代表你已踏入糖尿病高危一族，如果再唔正視身體健康，每年你就有5-10%機會會變成真·糖尿病！