之前講過，糖尿病其實即是血糖過高，繼而引起一連串併發症。
糖尿病根據其成因，主要分為兩種:

1. 一型糖尿病 Type 1 diabetes
2. 二型糖尿病 Type 2 diabetes

至於其他細項如妊娠糖尿病、MODY（Maturity Onset Diabetes of the Young)糖尿病等等，將來有機會先講。

要了解各類糖尿病的原理，我哋首先要睇下正常人的血糖平?係點的：

透過以上嘅胰島素恆常機制，就算我地進食後個血糖都唔會過高。

咁一型糖尿係點呢？

一型糖尿病係屬於自生免疫系統的毛病(autoimmune disease)，即係身體嘅免疫系統誤以為自己個胰臟裡面的胰島細胞係細菌係病毒，所以係咁攻擊佢破壞佢，導致冇曬D胰島細胞。

一型糖尿病只佔整體糖尿病病案的3%，患者通常好後生時（有好多甚至早於幼稚園小學階段）已發病，通常佢個家族遺傳性較低。因為身體完全缺乏胰島素，所以一開始病發就即刻要打胰島素。

 

咁二型糖尿又點呢？

二型糖尿病人初期的胰臟能正常，佢地問題的關鍵係胰島素抗阻，講得生活化D，即係話身體各器官唔係好聽胰島素的指示，對胰島素冇乜反應：

二型糖尿病佔了糖尿病整體個案95%以上，患者通常年紀大D（如中年之後）先發病。因為肥胖會容易有胰島素抗阻，所以患者身型亦比較肥，亦因此有D人會叫二型糖尿做富貴病。比起一型糖尿，二型糖尿既家族遺傳性高得多。

喂丁醫生,

你講D咁深的野俾我做乜?!

如果你真係明白上述一型糖尿病同二型糖尿病的高血糖原理，你之後就會容易明白點解會有糖尿病前期(Prediabetes)，口服糖尿藥的功能同利弊，同埋點解好多二型糖尿病患者最終需要打胰島素幫助控制病情。

由於大部分糖尿病患者都屬於二型糖尿病，所以我呢個Blog會集中講二型糖尿病的資訊，當然其實呢D資訊在一型糖尿病患者大部分都啱用。