糖尿前期係指血糖高過正常，但係又未高到糖尿的一個灰色地帶，我哋又可稱之為「血糖踩界」。呢個灰色地帶代表你已踏入糖尿病高危一族，如果再唔正視身體健康，每年你就有5-10%機會會變成真·糖尿病！
糖尿前期血糖數值
用番之前用過的圖表，我地可以用空腹血糖、兩小時後飲糖水血糖值同埋糖化血紅素去睇下自己有冇糖尿前期：
以上係用美國糖尿病協會（American Diabetes Association) 的建議來定義咩叫血糖數值正常，咩叫糖尿前期的血糖數值。你如果有做多D資料收集，你會發現佢個標準係比世界衛生組織建議嗰個更加緊一啲：佢空腹血糖高過5.6 mmol/l 已叫唔正常，但世界衛生組織建議空腹血糖高過6.0 mmol/l 先至超標。
咁用美國嗰個定用世衞嗰好D？
你問我，在糖尿病方面，我不嬲律己以嚴、待人都要嚴，所以我一向用美國糖尿病協會的標準。因為一來佢個定義新出D（2010年版），而且用緊D的標準，醫生可以發現多糖尿高危人士，而病人又可再早D警惕自己，注意生活飲食，及早預防糖尿病。
糖尿前期又可以細分做3種：
- 空腹血糖異常 （Impaired Fasting Glucose, IFG)
顧名思義，咪就係空腹血糖踩界 （血糖=5.6-6.9 mmol/l - (impaired glucose tolerance, IGT )
指空腹血糖正常，不過飲完糖水2小時後個血糖踩界 (血糖=7.8 – 11.0 mmol/l) - 空腹血糖異常+糖耐量異常(IFG + IGT)
就係空腹血糖高之餘，飲完糖水兩小時後個血糖都在灰色地帶
至於近年大大取代飲糖水測試的糖化血紅素HbA1c， 佢同空腹血糖一齊用都可以測到糖尿前期，不過佢就未能詳細分唔到邊D人有IGT (糖耐量異常），因此小量的情況我想知多少少，我會叫番病人做番傳統嘅飲糖水測試。
糖尿前期血糖數值：點先嚴重D？
整體來說，淨係空腹血糖高D屬於最輕微嘅踩界，將來變成真·糖尿的機會一年大約4-6%；而空腹血糖異常+糖耐量異常屬於最嚴重嘅踩界，即係將來變真·糖尿病嘅機會亦係最高（每年15-19%）。而另外，如果血糖數字（或者糖化血紅素 HbA1c)愈近糖尿水平，你個糖尿前期就屬於嚴重D。
譬如：
空腹血糖 5.9 mmol/l 比空腹血糖6.8 mmol/l 輕微
飲糖水後2小時的血糖值 8.0 mmol/l 比 10.9 mmol/l 輕微
糖化血紅素HbA1c = 5.8% 比 6.3% 輕微
如此類推⋯⋯
糖尿前期有幾常見？
糖尿前期係好常見！根據最近2013年的醫學文獻（PubMed )，全中國估計有一半人糖水測試係唔合格，屬於糖尿前期，所以點解我成日叫大家去驗身，及早發現及早治療糖尿病同糖尿前期 (點解驗身咁緊要)。