糖尿前期（或糖尿病前期）代表你已進入了糖尿病的高危一群，因為你身體已對胰島素有一定程度的抗阻，而胰臟功能已經開始減退。今次我們會探討下糖尿病前期至糖尿病是怎樣練成的！
糖尿病前期至糖尿病：認識原理
之前講過二型糖尿病人的其中一個重要原因係因為身體對胰島抗阻，其實呢樣問題早在佢地發現有糖尿病之前的10幾年已經存在，只不過胰島細胞功能仍然非常正常，可以「唧」多D胰島素去突破身體對胰島素的抗阻，所以當時佢地的血糖仲可以維持正常水平。
不過，胰島細胞長年累月加班工作去「唧」多D胰島素，最終頂唔順，再唔能夠產出足夠的胰島素去抗衡胰島素抗阻，咁身體的血糖就開始上升。咁血糖上升的初期，個水平唔係十分之高，呢個時期就係糖尿前期。當胰島細胞的功能一路減退，直至大概冇了一半的功能，血糖就開始大幅上升，去到糖尿病的楷段。一般來講，由糖尿前期蛻變成為真·糖尿病要7年時間，所以呢段期間你可以做嘢去阻止/減慢呢個過程。
如上圖描述，一個人因種種原因（如家族病史、肥胖、欠缺運動)有胰島素抗阻，佢由正常血糖到演變成真糖尿病可以需時10年。就好似大家認識的曽江,，佢由80年代的“美源髪彩黑髪”LOOK，變成現在的”粗口小生去旅行”LOOK都唔係一朝一夕完成，而係逐漸頭髮變白，皮膚慢慢多皺紋（即糖尿前期，血糖最初只係偶然小小高，之後血糖遂步攀升至貼近糖尿病水平），好多年之後就成為依家個樣（真．糖尿）。
糖尿病前期至糖尿病：除了血糖高仲有乜野
一般我哋認識的糖尿病併發症，例如視網膜病變、蛋白尿、腎功能不佳、心血管疾病，都會早在糖尿前期發生，因為血糖已經比常高，已經影響緊身體各大小血管。所以要減低呢D併發症發生，由糖尿病前期至糖尿病，都要好好控制血糖，仲要保持理想的血壓水平同埋膽固醇水平，我之後會再詳談。
糖尿病前期至糖尿病：進化過程