除咗之前兩篇< 糖尿病高危一族（1）－不可改變之命運>、 <糖尿病高危一族（2）：你可以扭轉的高危因素>講個嘅風險因素外，其實仲有一啲風險因素都有D數據支持可能同二型糖尿病有關，包括壓力、睡眠質素、抑鬱症、維他命D缺乏、母乳（減低BB長大後有二型糖尿病的風險）。不過我唔想講到大家太混亂，呢D既然唔係最緊要嗰幾個風險因素，我會遲D有機會先再詳談呢個話題。
有咁多風險因素，你同我都好容易是但中一至兩樣，但到底每一個人自己將來有糖尿病的機會/風險有機高呢？
我知道有一個好正的手機/平板Apps電腦程式想介紹俾大家：
糖尿病有用Apps話你知: RUBY (Risk Understanding By Yourself)
大家可以蘋果Apps Store 同 GooglePlay 免費下載。
呢個Apps 係由亞洲糖尿病基金會開發，只要入一D資料（身高、體重、年齡、家族病史..），㩒個掣，佢就會出個分數代表你有糖尿病的風險。呢個風險計算程式係根據香港糖尿病患者的數據推算出來的，所以好適合祖籍南中國的香港人。正如個Apps?提到，「風險評分會在0-30之間 (男士為0-28) ，0為最低風險，30為最高風險。」。
如你的風險評分為16或以上，佢建議你去叫你的醫生幫你安排驗血，睇吓有冇糖尿病。驗乜嘢血？咁你要睇番<<糖尿病定義 － 我有冇糖尿病 ？>>。
如果大家知道仲有其他一D好的Apps去計算忠上糖尿病的風險，歡迎大家留言俾我知，等我可以更新呢篇文的內容，將好嘢分享俾大家！
糖尿病高危一族（3）：糖尿病有用Apps話你知