篤手指驗血糖（自我監測血糖）係差不多每位糖尿病朋友要做嘅功課，但好多時大家都唔清楚，究竟一日入面邊D時候驗血糖，同隔幾多日要驗。其實答案係每個人都唔同，最好同你的醫生商量一下（我知，你會話醫生冇特別比指示你吖麻），唔好打頭住，你可以參考吓呢篇文章，睇下我平日要求我D病人點樣做。
糖尿病篤手指驗血糖情況1: 食口服藥嘅朋友
我會建議驗空肚血糖，同埋間唔中測下餐前同其2小時後的血糖值。有好多糖尿病病人空肚血糖達到目標，但由於飲食習慣或身體本身的問題，令餐後血糖標升同令整體血糖控制未如理想。而且驗餐後血糖，可以立即俾大家知道邊D食物令自己血糖爆升，從而喺飲食度作出調整。
|
攻略 一個月揀2-4天篤手指 幾時: (1) 測空肚血糖 增值選擇: 餐前 （早/午/晚均可）及其餐後2小時 |
糖尿病篤手指驗血糖情況2: 打一針長效胰島素嘅朋友
4大長效胰島素：Protaphane HM, Humulin N, Lantus Solostar, Detemir
(2017年更新: 4大長效胰島素: Protaphane HM, Humulin N, Lantus Solostar, Detemir, Teojeu, Tresiba)
二型糖尿病病人一開始打胰島素通常都係每晚打一針，以控制好瞓覺時同第二朝空肚的血糖，而日間食的糖尿藥主要控制其他時候的血糖。你的糖尿科醫生會根據你的空腹血糖去調整胰長效胰島素的度數，所以朝早起身篤手指係必須的。而同情況1一樣，因為餐後2小時的血糖值可俾你資訊去調較自己的飲食，我都會建議你間中測試一下。同埋用得胰島素，醫生想要多D數據去較藥，所以大家最好一個星期抽2日來篤手指監察血糖。
|
攻略 一星期2天篤手指 幾時: (1) 測空肚血糖 增值選擇: 餐前 （早/午/晚均可）及其餐後2小時 |
糖尿病篤手指驗血糖情況3: 1日打2次胰島素嘅朋友
常見每日2次長效胰島素例子： Protaphane HM, Humulin N
常見每天2次混合針胰島素例子：Mixtard, Humulin 70/30, Novomix, Humalog Mix
上午打的胰島素針對早上至下午時段的血糖，而混合針更可改善早餐後的血糖；至於晩餐前打的胰島素針則降低晚上至第二日的空肚血糖（同樣道理，晩餐前的混合針可改善晚餐後的血糖）。所以我俾你們呢群朋友
|
攻略 一星期2天篤手指 幾時: (1) 測空肚血糖, (2) 晩餐前, (3) 睡前血糖 打混合針的病人增值選擇: 早餐同晚餐後2小時的血糖 |
糖尿病篤手指驗血糖情況4: 1日打3至4針胰島素嘅朋友
3針常見組合：早午晚三餐前打Mixtard / Humulin 70/30 / Novomix
4針常見組合：早午晚餐前 Actrapid HM / Humulin R / Novorapid / Humalog, 加睡前長效胰島素
呢種組合多用於一型糖尿病或者二型糖尿病病史長的人，每一針控制不同時候的血糖，所以醫生需要好多的資料去精準地校藥，而你有需要篤多幾次血糖去配合。
|
攻略 一星期2天或以上篤手指 幾時: (1) 空肚, (2-6) 3餐前同餐後2小時血糖, (7) 睡前血糖 |
糖尿病篤手指驗血糖情況5: 有妊娠糖尿嘅孕婦
為保母子平安，一定要在懷孕期間密密監測，血糖有乜波動都可以馬上調胰島素/加以戒口，就算辛苦自己一點都係值得的！
|
攻略 日日篤！ 幾時: (1) 空肚, (2-6) 3餐前同餐後2小時血糖, (7) 睡前 |
糖尿病篤手指驗血糖情況6: 剛發現有嚴重糖尿病的朋友 （如空腹血糖＞15mmol/l, HbA1c > 10%)
你的糖尿醫生可能喺好短時間內覆診同調校藥物，所以一定要多D資料
|
攻略 日日篤！ 幾時: (1) 空肚, 增值選擇: 隔天餐前 （早/午/晚均可）及其餐後2小時血糖 |
仲有，度完血糖之後記得抄D數字落張字度，千祈唔好就咁隊部血糖機俾醫生自己㩒㩒㩒，浪費診症時間。
呢個係我的一位病人的完美示範，不但清楚記錄餐前餐後的血糖，又認真記下篤手指嗰幾曰食咗D乜,我只要花廿秒鐘就可完全了解佢在過去幾星期的血糖狀態。
糖尿病篤手指驗血糖對於好多人來講係好複雜的事，而且大家一定會有好多疑問，各位可以留言問我，又或者係下一篇文中睇下我俾唔俾到答案你。