糖尿病自我監測血糖（篤手指）- 買血糖機前須知

買血糖機前問題1: 明明每次睇醫生前都會抽血，點解仲要叫我篤手指驗血糖？

答：雖然每次覆診睇糖尿科醫生前都會抽血驗糖化血色素，但係呢個只係一個反映過去3個月的平均血糖控制，而唔能夠勾劃出血糖的實際波幅。

唔知我講乜？大家可看下面的圖：

A 君同 B君的糖化血色素雖然相若，但係佢哋2人實際的血糖水平卻好大分別；好明顯A君（紫色線）的血糖好唔掂，忽高忽低，醫生要盡快同佢執一執佢啲藥，令血糖水平唔好咁飄忽。

由此可見，平日篤手指嘅數據對於醫生較藥好有幫助。

答：藥房、醫療用品店、電器舖、私家診所同埋醫院的復康店，甚至淘寶網都有得賣。

如果你本身喺公立醫院覆診，醫院復康店個價錢應該會平D，不過佢未必會教你部機點樣用，要你自己學，或者要去糖尿科姑娘度學。至於私家診所呢，就賣血糖機之餘，醫生/姑娘通常會親自教埋你用機。再貼心D的，甚至會有售後跟進血糖服務，所以價錢會貴D。

另外在寫呢篇文章時，我有位病友介紹我睇呢個格價網站，如果大家想自己在醫療用品店同電器店買機，可以參考一下也冇壞。

我雖然平時都鍾意淘下寶，但血糖機就真的唔建議淘了。大牌子來路貨計埋匯率同運費分分鐘貴過香港買，其他的牌子又唔知D質素同保養點，計我話，用落自己健康的嘢就唔好慳。

答：我個人主張用一般病人常用的血糖機型號，因為大部分的醫護人員都見過同識用，可以幫你地解決一D簡單的問題，同埋公司在香港的售後支援十分完善，有乜問題，打個熱線電話就得。

（利申：本人同血糖機廠商並沒有任何聯系，以下只是我的病人常用的系列，唔代表產品係好定唔好。但都寫出黎嘅原因，係希望幫到大家，做咗第一浸搜集工夫，唔洗毫無頭緒連系列名都要周圍搵。排序只係生產商英文字母先後次序，並不表示邊隻好D或邊隻受歡迎D。）

其實準確度款款都好高（如果篤手指技巧正確），而以下是決定買邊款型號要留意的地方：

如果型號較舊就要留意，怕只係怕如果太舊萬一廠商一兩年後停產，咁相應嘅血糖試紙同埋採血針就有可能失去供應，對於諗住長期使用的病友可能會失去預算。相反，如果你篤手指只是短暫性（如妊娠糖尿病，理論上生完BB應該D血糖正常番），咁就問題不大。

2. 有冇額外功能

如果你鍾意玩智能手機Apps，有D型號可以有可多花臣玩，例如可以連接到電腦顯示血糖檢測分析，呢D功能對於長者或「非電玩達人」可能太花巧及難以操作，但對於電腦叻/喜歡自己多參與糖尿管理的病人就好有用。

答：係，去年（2016年）有廠商推出了掃描式血糖監察系統，可以不用篤手指就可以知道血糖值。咁神奇？詳情可以參考我下一篇文章<<掃描式血糖機：唔篤手指竟可知血糖？! >>。

糖尿病自我監測血糖（篤手指）- 買血糖機前須知

Tagged on: 二型糖尿病有用資訊糖化血紅素糖化血色素自我監測血糖血糖機