糖尿病自我監測血糖（篤手指) 第三章:簡易通

假設大家一早已識點樣用家用血糖機篤手指驗血糖，呢篇文章目的唔係逐格逐格教大家，只係俾大家重溫一下幾個重要步驟，同埋提醒番大家常見的錯誤。

自我監測血糖前準備：

1. 記緊剛開始新一樽試紙時睇清楚個樽的代碼同你部機的相唔相同，駛唔駛重新入個個代碼。(好消息：較新的型號好多唔駛手動調校試紙代碼，比舊時的血糖機更人性化！）

1.   望下樽試紙到期未。

      緊記試紙在開封後3個月要用，否則會受潮，影響測試準確度。

      如果你唔係成日篤手指驗血糖，你可以考慮用有獨立包裝的試紙，雖然價錢貴少少，但可以避免浪費。

 

自我監測血糖：篤手指採血

1. 選取適合自己的採血深度。點為之完美？用最淺的深度去成功採出一滴圓形的血就叫正！一般來講，皮膚薄的2-3度就okay ，皮膚較厚的則要4度左右要得。
2. 記得洗手，用酒精棉消毒採血位置，待酒精乾透先好篤手指。
3. (左圖）篤針太淺，出唔到一滴血珠，影響驗血準確度。（右圖）深度剛好出到一滴血珠。

    4. 出了血珠後，用試紙索血，等5秒左右就有結果啦。

       如果部機出error / ER / E 等的字樣，即是頭先採血採得唔好，要入過張新的試紙再篤過手指。

       香港行貨血糖機會自動用mmol/l 作血糖單位，呢個係香港醫護人員用開的單位。而其他地方買的可能會用mg/l做單位，記得要留意。

 

自我監測血糖：如何棄置採血針