除了上篇文講的監測血糖嘅次數外，大家對於篤手指都仲有好多疑問，今次我綜合咗幾個範疇為大家解釋，識咗之後，醫生也對你刮目相看! 如果你仲未開始/仲未識篤手指，可參考： 買血糖機前須知 如果你已經有自我監測血糖的習慣，可參考: 糖尿病自我監測血糖（篤手指）第二章：實戰篇 糖尿病自我監測血糖（篤手指) 第三章:簡易通 如果你想唔篤手指都可以監測血糖，可參考: 掃描式血糖機：唔篤手指竟可知血糖？!
做個精明的糖尿病病人：抽血項目你要知
每次覆診糖尿病之前，你個醫生一定會叫你抽一啲血去驗。相信好多人會有疑問：其實點解要抽血呢？明明屋企都有篤手指，點解醫生仲叫我抽血？呢個醫生有冇呃我錢架，次次都驗咁多嘢？嗱，今次我會同大家探討下其實大家到底係抽乜嘢血同埋其原因。
抽血太多會貧血？
丁醫生，我都成80歲人，每次見你前都要我抽血，咁抽法阿婆會貧血會頭暈的，成個人虛曬啦！ 「抽血太多會貧血」喺正常的情況下係唔成立的。我當你2個月睇一次醫生跟進你的糖尿，通常醫生會叫你驗空腹血糖、糖化血色素、肝腎功能同血脂（即好壞膽固醇、總膽固醇同三酸甘油脂），而呢幾樣野只需要抽好少的血。唔信？我們一齊做下實驗睇下！
糖化血色素 HbA1c 同血糖值有什麼分別？
醫生，你話我3個月平均值/糖化血色素係10.5度，但點解我篤手指D血糖值經常大約15度，其實你地診所有冇驗錯㗎？ 糖化血色素同血糖值係講緊2樣野，好多時大家將佢地搞亂咗，因而有以上的疑問。
糖尿病前期徵兆
糖尿病前期徵兆係乜？如果你有睇我《糖尿病病徵》一文，你都知糖尿病大部分係冇徵兆的，所以糖尿前期更加唔會有任何病徵的！要知自己有冇糖尿病前期，唯有靠驗血測試：即空腹血糖，或飲糖水測試，又或者糖化血紅素HbA1c。