做個精明的糖尿病病人:抽血項目你要知

做個精明的糖尿病病人:抽血項目你要知

每次覆診糖尿病之前,你個醫生一定會叫你抽一啲血去驗。相信好多人會有疑問:其實點解要抽血呢?明明屋企都有篤手指,點解醫生仲叫我抽血?呢個醫生有冇呃我錢架,次次都驗咁多嘢?嗱,今次我會同大家探討下其實大家到底係抽乜嘢血同埋其原因。

抽血太多會貧血?

抽血太多會貧血?

丁醫生,我都成80歲人,每次見你前都要我抽血,咁抽法阿婆會貧血會頭暈的,成個人虛曬啦! 「抽血太多會貧血」喺正常的情況下係唔成立的。我當你2個月睇一次醫生跟進你的糖尿,通常醫生會叫你驗空腹血糖、糖化血色素、肝腎功能同血脂(即好壞膽固醇、總膽固醇同三酸甘油脂),而呢幾樣野只需要抽好少的血。唔信?我們一齊做下實驗睇下!