問:糖尿病咁實在太複雜,到底有冇一D好的網頁同書籍介紹吓?

 

答: 當然有啦!就是

我呢個blog !(自大中…)

除左呢個以龜速發文(一星期至少一兩次)嘅網頁之外,香港地仲有好多好又用的糖尿資訊:

香港糖尿病資訊 (1)  簡快了解糖尿病之選:亞洲糖尿病機基金-正視糖尿病網頁

http://www.diabetesrisk.hk/

香港糖尿病資訊
圖片來源:亞洲糖尿病基金會-正視糖尿病網頁

由亞洲糖尿病機基金會管理的網頁,質素一定有保證!佢以簡單易明的文字加圖畫去講解糖尿病的資料,你只需用15分鐘,就可以明白糖尿病的基本知識。佢仲有一D有用連結到一D病人組織同中外糖尿病醫療專業人士的網站,有易有難,任你選擇。

 

香港糖尿病資訊(2) 多元化之選:香港糖尿聯會

     http://www.diabetes-hk.org/home

香港糖尿病資訊
圖片來源:香港糖尿聯會網頁

身為香港人,而又有糖尿病,你一定要識呢個香港糖尿聯會會!佢有好多關於糖尿病的資訊,而我最推介係佢每4個月的出版一次的會刊「消渴茶館」,?面有內分泌及糖尿專科醫生、糖尿科護士、營養師寫的有用文章。各位記得用電腦睇,因為用手機/平板電腦睇會有機會出現亂碼。

香港糖尿病資訊
一年三期的刊物-消渴茶館

而且香港糖尿聯會會定期舉辦各類活動俾糖尿病患者同佢地的屋企人參加,例如一年一度的健康長跑。透過呢D社交活動,認識多D其他糖尿病患者,可以互相幫忙同互相學習。

香港糖尿病資訊(3)  兒童糖尿病、一型糖尿病之選:兒童糖尿協會網站

    http://www.yda.org.hk/

香港糖尿病資訊
圖片來源: 兒童糖尿協會網頁

因為該會服務對象係糖尿病兒童同青少年,所以網頁嘅內容已一型糖尿病主。我最鍾意睇佢裏面嘅「兒童糖尿會訊」,入邊有好多嘅病友分享佢哋嘅成長故事,內容正面績極,能夠為大家提供好多心理支持。

香港糖尿病資訊(4)  好書推介:活出積極人生-糖尿病全攻略

香港糖尿病資訊
呢本由我兩位恩師有份編寫的糖尿資訊書籍,?面有糖尿病的基本資訊,仲有詳細介紹胰島素用法、糖尿病人飲食守則、糖尿病患者各類生活要注意嘅嘢,同埋一D糖尿病人自己的小故事。本書我認為對所有糖尿病患者、佢地的屋企人、甚至醫護人員都獲益良多!
大家可以去書店睇下有冇呢本書賣。或者去圖書館睇吓有冇得借。嗱,俾埋香港公共圖書館條link你睇吓邊間有得借。

https://webcat.hkpl.gov.hk/search/query?term_1=%E6%B4%BB%E5%87%BA%E7%A9%8D%E6%A5%B5%E4%BA%BA%E7%94%9F%EF%BC%8D%EF%BC%8D%E7%B3%96%E5%B0%BF%E7%97%85%E5%85%A8%E6%94%BB%E7%95%A5&theme=WEB

香港糖尿病資訊
圖片來源:香港公共圖書館網頁

 

希望大家都可以在上述4大必睇網頁同書本中找到自己喜歡的想知的資料。另外,我會繼續努力寫blog,希望成為大家的第5個必睇的資訊站。

糖尿病病人4大必睇網頁和天書 (香港糖尿病資訊)
Tagged on:         

Leave a Reply